升中派位係香港學生入讀中學前嘅必經階段，想升讀心儀中學的話家長和小朋友就需要突破重重嘅難關：填表、面試以及最重要的「呈分試」。但對於升中呈分試，坊間皆眾說紛紜，大家對每次呈分試嘅重要性都有唔同睇法。有家長認為可以忽略第三次呈分試，因為考得好同壞影響都不大；但有家長認為就不可輕視，因為每一次呈分試成績都舉足輕重，分分鐘影響小朋友嘅升中「大計」。
以下就等 CourseZ 同大家去分析一下呢個具爭議嘅話題，但之前首先需要了解整個升中派位的運作：
升中派位簡單分為兩個階段：自行分配學位及統一派位甲部、乙部。
1. 自行分配學位
喺自行分配學位階段，學生可以自行選擇是否參加。學校會自訂收生準則，如果認為同學符合學校要求 (包括成績及操行等) 就會邀請面試，如果學生面試表現理想，學生將會被取錄成為其學生，故呢個階段又名「中學自行收生」。
如果同學仔打算參加，就需要係 1 月嘅時候向不多於兩間中學遞交申請表格，並需要根據就入讀意願排名次，學生可以選擇任何學校而且不受校網限制。學校會喺 3 – 4 月期間公佈相關派位結果，如學生成功取錄，只需要等 7 月初公佈派位結果後自行到學校註冊即可。
要留意嘅係申請一經遞交，就不可撤回、取消或更改選校次序，所以喺遞交申請前應該慎重考慮。
2. 統一派位
如果同學未能喺第一階段中獲學校取錄，就會進入第二階段嘅「統一派位」。屆時家長需要填寫《中一派位選擇學校表格》，再按派位組別、選校意願、及電腦隨機分配嘅編號去分配學位。一般大概 5 月時候交表，於 7 月初公佈結果。而統一派位分為兩部份：甲部及乙部，兩者都需要就入讀意願排名次：
- 甲部：不受校網限制，可以任揀 3 間中學，派位時會先處理甲部申請
- 乙部：受校網限制，最多揀 30 間中學
3. 叩門
叩門唔屬於升中派位範疇，但佢就係你入讀心儀中學嘅最後一個機會。如果學生喺升中放榜後對統一派位結果唔滿意，覺得自己可以入讀更好學校，學生可以自行到心儀學校申請叩門。大多數學校嘅叩門程序都包括面試，但亦有少數同學唔使面試，學校都會錄取。學生喺叩門前記得帶齊以下資料：
- 身份證
- 小五、小六成績表 (部分學校會要求小四成績表，可以準備埋)
- 自行階段選校文件、派位文件
- Portfolio (課外活動記錄、獎項等)
- 校長推薦信 (如有)
- 學生相
- 已貼本地 $2 郵票回郵信封
- 叩門學校申請表
留意一點，如果想叩門嘅家長及同學仔，務必要喺在叩門嘅黃金時期 (放榜後到註冊截止前嘅時間) 到學校叩門。
第三次呈分試或成入讀心儀中學關鍵
相信大家了解整個升中派位後，都應該明白點解每一次呈分試至關重要！
呈分試分別於小五下、小六上及小六下學期進行。而教育局只會根據學生首兩次呈分試嘅成績去製成「學生成績次第名單」，喺 1 月「自行分配學位」階段時候供中學自行收生參考之用。換言之，學生如果已經喺「自行分配學位」中獲學校取錄，自然唔需要理第三次呈分試成績！
但事實上，喺「自行分配學位」階段中，只有不多於 30% 學生會被學校取錄，其餘會喺「統一派位」中派發學位，即是話大部份學生都要靠統一派位階段先能夠入讀心儀中學，所以第三次呈分試嘅成績自然變得無比重要，甚至影響到學生叩門嘅成功率！
因此，同學仔更加要好好把握第三次呈分試呢個寶貴機會，加以準備先可以做到萬無一失，以下係對準備第三次呈分試嘅 Tips：
1. 了解自己不足之處
除非你每次都科科 100 分，否則就一定仲有進步嘅空間！想係第三次呈分試中突圍而出，你需要了解自己弱項同不足之處：學生可以嘗試將自己試卷中答錯嘅題目重新改正並加以記錄低，等自己下次唔好再犯同樣錯誤而導致失分，一步一步咁將自己嘅基礎重新打好。
2. 加以操練 改善自己弱項
量變引起質變！既然知道咗自己弱點係邊，就應該針對弱項去加以操練改善！「小五及小六呈分試操卷訓練」可以幫你提升自己主科成績。透過大量模擬試題訓練中熟習各種題型，加強自己嘅答題速度及得分技巧，將自己嘅弱項變為強項，提升正式考試時的實戰表現。
3. 調整心態 以平常心應付考試
有啲同學仔可能本身成績功課好好，但每逢考試個陣就會因為臨場緊張導致失準，原因係同學太過拘謹，將考試睇得太過重，以致適得其反。
除咗平時多做練習之外，同學仔亦不妨參加多啲市面上嘅模擬考試，嘗試熟習喺陌生環境底下考試，令自己係考試中搵到自己嘅「平常心」，自自然然就可以發揮出平時嘅實力！
最後希望呢篇文章對您有幫助，助小朋友可以入讀到理想心儀中學！
延伸閱讀
派得第一志願 入讀心儀 Band 1 中學必選操卷訓練
除非同學喺自行收生中已經獲中學錄取為正取生，否則每一次嘅呈分試同學都唔應該掉以輕心！既然知道呈分試嘅重要性，咁當然要擺更多心機落去啦。如果想短時間之內提升呈分試成績，操卷永遠都係最直接有效嘅方法！
「尖子樂園」係本港著名小學補習社，專攻小學呈分試操卷訓練，對應付呈分試有濃厚心得，其「小五及小六呈分試操卷訓練」更集合全港小學名校呈分試題整合而成，對小朋友入讀心儀中學絕對有加成：
1. 16 份精選名校試題卷 連解說
試卷包括小五至小六中英數三科共 16 份，所編改而成嘅模擬呈分試卷非常接近校內考試模式，有助同學更易掌握考試技巧及認識不同題型：
- 中文主分析題型，配合試題分析及教授作答技巧，於處理作文題目時更得心應手
- 英文主操練文法，累積小五及小六常見詞彙及句式，增強學生靈活運用能力
- 數學主提升理解能力，教導應試技巧及避免不必要犯錯，運用技巧加快作答時間
2. 9 本「呈分貼題王」套裝系列
全套系列包括小五至小六中英數三科，應對每個升中呈分試而設，多份模擬試卷針對學生常錯及概念模糊嘅問題而編寫，是同學提升成績嘅必備操卷神器：
- 仿效全港名校呈分試題，極度「貼題」
- 以「操卷式」試卷，等同學熟習考試節奏
- 包攬全港小學中英數各科大部份常設 「題型」
- 有系統地為學生作出全面應考準備，考取 「高分」
💡 主力同你操卷，分析題目嘅出題方式，教授學生必勝答題法
💡 16 份試卷 + 9 本呈分貼題王，為呈分試作出最好準備
💡 高達 99% 同學派得第一志願，入讀心儀Band 1 中學
