相信唔少學生其中一個心願都係可以入讀港大「神科」 – 醫科!而最近港大醫學院更為咗發掘更多有能力嘅學生,醫學院改變其一貫作風,新增小組討論形式面試,並首次加入「學校推薦直接錄取計劃」!CourseZ 已經幫你整理好,即睇以下資料了解更多!
港大醫學院改變以往面試模式 以單對單及小組形式面試
單對單模式:要求面試者於 8 分鐘內作答一條中及英文問題
小組討論模式:要求面試者與另外三名面試者討論,全英語進行
「學校推薦直接錄取計劃」 毋須考慮文憑試成績都可入學
「學校推薦直接錄取計劃」自 2022 學年開始實施推行,旨在認同一啲具有才華但未能於香港中學文憑考試獲全面評核嘅本地中學生。基本上係一個「課程與學生配對」計劃,為咗提供機會比係個別學科 / 範疇具有特殊才華及興趣嘅中學生獲本地大學考慮直接錄取,而今年港大內外全科醫學士學位 (JS6456) 亦加入了此計劃中。
報名資格
獲推薦參與直接錄取計劃學生需符合以下條件:
(i) 修讀本地中學課程並應考該學年 DSE 文憑試嘅本地學生;及
(ii) 必須同時透過大學聯合招生辦法 (JUPAS) 報讀大學。
***獲推薦學生不可以同時透過 JUPAS 下嘅「校長推薦計劃」或八所大學教育資助委員會 (教資會) 資助大學係教資會「學生運動員學習支援及入學計劃」下為準學生運動員提供嘅各個直接錄取計劃報讀大學。
報名安排
中學安排
直接錄取計劃嘅提名將由中學校長按指定方式向參與嘅大學直接提交,並向教育局匯報,以作核實。而每間本地中學可推薦兩位係個別學科 / 範疇具有特殊才華及興趣嘅學生參與計劃。每名獲推薦學生可報讀一個參與計劃嘅指定教資會資助學士學位課程。
今個學年度直接錄取計劃嘅提名期為 2022 年 10 月 6 日至 12 月 7 日,如果同學自問係特殊領域上有出色嘅成就,不妨向自己學校自薦一下。
獲推薦學生安排
被推薦嘅同學唔好以為可以乜都唔洗做!計劃嘅提名同 JUPAS 嘅申請程序將會同步進行,同學都係需要如常提交 JUPAS 申請,並按大學聯合招生處訂下嘅指引及日程遞交所需文件。
要留意一點!同學必須!係必須將你所選取嘅直接錄取計劃指定學士學位課程加入到 JUPAS 申請嘅 20 項課程選擇之中;如同學未有將所選取指定課程加入到 JUPAS 申請課程選擇中,其直接錄取計劃申請將不會獲參與大學考慮。
***個別參與計劃大學仲可能要求同學將所選取嘅指定課程排係 JUPAS 申請嘅組別 A (Band A) 課程選擇之中。詳情請留意個別指定課程的具體入讀要求。
大學安排
現時八所教資會資助大學已指定超過 206 個公帑資助學士學位課程參與計劃,想知有咩課程可以揀同埋個別課程嘅具體入讀要求可以撳呢到。 <點我查詢>
而參與計劃嘅大學一般將於 1 月至 6 月初嘅時候為所有獲推薦同學安排面試,去評估到底係咪適合入讀個別課程,亦有機會按需要安排筆試或應用評核。
錄取通知及接受錄取
大學將會係文憑試成績公布前,向獲推薦並成功申請嘅學生發出「直接錄取」通知。成功申請嘅學生必須於文憑試成績公布前決定係咪接受錄取!一旦同學接受「直接錄取」的話,其 JUPAS 申請會自動從 JUPAS 系統中刪除,同學將不獲接受其他課程考慮或錄取。
至於未能成功申請嘅同學 (即不獲「直接錄取」或拒絕接受錄取嘅學生) 又唔洗咁驚,你嘅 JUPAS 申請將獲保留並繼續處理,同其他學生一樣按照如常 JUPAS 程序進行,而參與 JUPAS 嘅院校好大機會係文憑試成績公布後再考慮錄取與否。
除咗四大主科 化學科亦係指定必修科目
想入讀港大醫科嘅同學仔,係中三揀科時就已經要好好考慮清楚,因為化學科將會係你入讀港大醫學嘅必修科目!想係芸芸學生中脫穎而出爭取更大嘅入讀機會,自然要投放更多心機、時間係化學呢科「必修科」之中,而 CourseZ 化學奪星課程正正可以幫你提高呢個入讀港大機會。
超過 20 多年教學經驗嘅導師 Chemchemday,已經喺 CourseZ 開設咗一系列嘅化學網上課程,其課堂質素被一眾名校生推崇,無論係未雨綢繆嘅你,定係迫於眉睫嘅你,Chemchemday 都有最適合你嘅課程去提升成績!
📏 以絕頂技巧及神級口訣輔助,鞏固記憶一流
📏 超濃縮課程,重新為你疏理、詮釋每一個課題重點
📏 為學生提供大量 Past Paper 訓練同充足課後支援
📏 概念為本,帶你深入探討每課要點,從零開始掌握所有化學概念
📏 附以適量插圖、例題講解,加強理解及記憶;提供大量練習訓練,加強答題技巧
📏 中四至中六三大課程,適合唔同程度嘅你